Transcription
1
Mon seigneur, le présent pourteur, maistre Jean Laboysse, sen va vers
2
vostre seigneurie pour vous racompter les suspitions qui
3
sont survenues en la ville de Valance et pource que je
4
me doubte aussi de la ville de Montelhimar, je luy ay dict
5quelques occasions [barré : qui ] vous doibvent extimer les [barré : de ] vous
6
donner guarde de quelque nouvelle esmotion. Je espere
7
me rendre et acheminer au Montelhimar incontinent après
8
avoir entendu vostre volenté. Au surplus, au temps des derniers
9
troubles, ma maison de Marches fust volé par aulcuns dont
10
ung nommé Pierre Crestin dict Berchet et quelques aultres
11
en furent prisonniers par auctorité de monsieur de Chatelar ou bien
12
de messire Claude Corréa son lieutenant, les quelz, pour les occupa-
13
tions de mon office, je ne eis pas envoyer de poursuyvre ;
14
si est-ce que ces jours passés, ce pendant que je estois ycy,
15
poursuyvant le procès que je avois contre monsieur le
16
seneschal, mon filz, estant allé à Marches, où Dieu graces, nous
17
y avons quelque bien, il y a esté meurtri et ledit Berchet est
18
prévenu dudit homicide et pour cest effect, detenu aulx
19
prisons de Romans par auctorité du juge de Marches ; et pource
20
que le lieu de Marches est dans le ressort dudit seigneur
21
de Chatelar et que desjà il estoit saisi de la cognoissance
22
de ladite première volerie, vous prie escripre audit sieur Correa de
23
luy former son procès sur lesdites deulx qualités et de
24
enjoindre audit juge de Marches de luy deslivrer ledit prisonnier
25
car je ne me extimerois pas faire office de père si je ne
26
poursuyvois par justice réparation du tort qui men a esté faict,
27
non pas quil men seust faire condigne reparation car cest
28
ung bellistre qui ne vault rien, mais cest pour purger le
29
païs de si meschantes personnes, que sera lendroict au quel vous
30
presenterai mes humbles et très affectionées recommandations, priant le
31
Createur
32
Mon seigneur, vous doynt joye et santé.
33
A vostre maison de Grenoble, ce dernier
34
jour de julhet mil Vc LXXXII
35
Vostre humble et très hobeissant
36
Serviteur
37
Andrieu de Exe